nynorsk er venesælt

Hipp hurra!

2010-04-25T15:03:00.005+02:00

Ein glad og nøgd meister :)
No er eg ferdi og ynskjer alle velkommen til Substansutstillinga vår!
Les meir om prosjekta våre...

Smakebit!

2010-04-09T15:10:00.004+02:00

Var å henta første ladning med ferdige trykksaker i dag. Takk A7-sentrum for fiiiine fargar og super overflate! Helga vil gå med til montering og skjæring av ca 100 aktivitetskort. Jippi!?

Tamtitammm

2010-03-31T23:52:00.003+02:00

Fekk papirutgåva av LNK i posten i dag. Stas :)Her visar eg skjermbilete frå artikkelen om oppgåva mi som ligg ute på LNK sine heimesider. Eg har gjort litt endringar i vevloggen min på grunn av dette(teke bort nokre personlege tankar og enkelte skisser og slikt...) Og sidan eg no i tillegg er i innspurt av oppgåva vil det truleg ikkje bli posta så mykje her framover.
Men kanskje litt...så følg med...;)

God påske

2010-03-30T17:13:00.003+02:00

Skriftleg del.....FERDI!

2010-03-18T17:15:00.006+01:00

...og her er eit par bilete av resultatet. Heldigvis ingen store blundarar. Trur eg iallefall.

nettskisser

2010-02-25T22:25:00.009+01:00

Litt oppdatering...
held på med skriverier no, så difor har eg visst vore litt slapp med oppdateringa av vevloggen. I morgon skal eg ha ei chattevegleiing med Mosse, så då skal me diskutere videre jobbing med desse nettskissene:

Flinke elevar!

2010-02-11T16:08:00.003+01:00

Eg var så heldig at eg fekk komme tilbake til Bjørndalskogen skole idag! Som takk for hjelpa laga eg ein adjektivhistorie som elevane var med på å komponere. Resultatet vart ein gøyal tekst. Eg likar godt setninga: "Viss ikkje så håpar eg at de vil komme på ein busebefengt utstilling som heile klassa mi skal ha i byrjinga av mai."

I tillegg til denne historia, fekk eg snakka og diskutert med klassa gruppevis. Mykje av målet med besøket var å ta nokre bilete eg kan skisse videre med, og å finne meir ut om deira visuelle preferansar. Fargerikt uttrykk, gjerne lilla og blått, var visst favoritten...

HIPP HURRA!!!

2010-02-03T14:42:00.003+01:00

Gratulerer med dagen til meg sjølv...hehe :)

Har hatt kake og gavedryss i lunsjen. Litt kos må ein jo unne seg.
Men no er det fram med papir og blyant att.
Aktiviteten Ordgøyming skal utviklast!!

Eg kosar meg....

2010-01-28T19:14:00.007+01:00

...med skissing, medan eg høyrar på ein sær og rar musikk ;)
Sjekk ut: Respect av Uriel Seri = blanding av norsk folkemusikk og afrikanske rytmer.

ny vinkel og sånn

2010-01-15T12:50:00.002+01:00

Sidan det er fredag berre kastar eg ut nokre ting på vevloggen.
Helst for min eigen del. For å oppretthalde koken, liksom :)
Men her er nokre gode sitat om nynorsken, og litt moderne nynorsk mønster som eg kanskje kan jobbe videre med.

«Eg er altså eit uhjelpeleg nynorskskrivande menneske … Går nokon til åtak på språket mitt, er det einaste som nyttar enten å pelle seg vekk eller å slå. Kva eg måtte velje å gjere, får storleiken på den som går til åtak avgjere. Eg kan ikkje fordra å måtte argumentere for språket mitt, det er nesten som å måtte stå der og kope og argumentere for sin eigen eksistens. Og korleis argumentere for den? Det er ikkje så mykje meir å seie enn at eg er her no eingong. Og det same gjeld nynorsken. Både eg og nynorsken er her no eingong, av ulike og kanskje til dels uforståelege grunnar.»
Jon Fosse

«(...)Altfor ofte vert valet av målform i Noreg eit ideologisk, eit etisk val. For meg var det eit estetisk val. Eg måtte ha eit språk som både hadde eit "gatespråk" og eit meir opphøgd språk, slik at eg kunne uttrykkje meg i spennet mellom gatespråket og eit meir opphøgd språk utan at det lét teit(...)»
Poeten Alexander G. Rubio

På jakt etter uttrykket...

2010-01-15T10:41:00.005+01:00

Eg held på med å prøve å finne det visuelle uttrykket. Det er ikkje så lett, og eg veit ikkje heilt korleis eg skal gripe det an. Men nå etter jul har eg jobba litt med klipp og lim i papir - tenkte metaforisk med former som blir satt saman til noko anna. Og eg brukte papir som materiale, då eg kan trekke paralellar til papir og nynorsk (tradisjonelt, kan brukas på mange måtar, i mange samanhengar, medan det er nokre "reglar" og begrensingar...) Kan hende blir denne koblinga litt for søkt, og kan hende det ikkje fungerer.

Bjørndalskogen skole

2010-01-05T13:17:00.004+01:00

hermekråke :)

2010-01-04T22:18:00.004+01:00

Dette var jammen gøy! Eg prøver meg på wireframes og mockingbird
Sjekk ut det eg har gjort her.

* G O D J U L *

2009-12-20T00:54:00.005+01:00

No tek eg meg litt fri, og kjem sterkt attende i 2010 :)
God jul og godt nytt år.

litt inspirasjon...

2009-12-15T14:46:00.004+01:00

Veldig mykje skriftlege innlegg no, ser eg. Difor kjem det litt visuell inspirasjon her...

DREIS

2009-11-24T13:42:00.005+01:00

Ivrige elevar....

2009-11-12T13:36:00.014+01:00

...ved Bjørndalskogen skule.

I dag (12 november) har eg vore å testa nokre aktivitetar på 7 trinn ved Bjørndalskogen skule. Det var veldig gøy å sjå at dei fleste aktivitetane er gjennomførbare. Det var interessant at det vart litt nynorskdiskusjon rundt borda hjå dei ulike gruppene, og eg fekk idear om kva aktivitetar som med fordel kan utvidas. Eg fekk testa heile 8 aktiviteter og er svært godt fornøyd :)

Rollespel med både gris, kråke og nøkken.

Eg fekk også litt tilbakemelding på noko av det visuelle eg har gjort. Dette er ei gruppe sine fargepreferansar, samt deira forslag til kva som kunne vore gjort anleis, og kva fargane minner dei om.

Hehe...eg håpar dette var meint til meg :)

klasselunsj

2009-11-04T09:07:00.009+01:00

Her viser eg litt frå bingoen me gjennomførte.
Det vart vel klårt for meg at bingoverten bør få utdelt brikker med ord som er korrekte. Sjølv om ein diskusjon kring orda (om dei er korrekte nynorsk eller ei) kan vere positivt og bevisstgjerande, trur eg det kan skape forvirring og unødvendig frustrasjon viss det blir for stort fokus på rettskriving.

23 oktober hadde eg ein liten gjennomgang av oppgåva mi for klassa. Eg gjorde også ein liten test av aktivitet (bingo)
Eg ynskte tilbakemelding på korleis aktivitetane kan organiserast. Har jo sjølv tenkt på aktivitetskort, men skal det vera tilfeldig kva kort ein trekker?
Det vart foreslått at nettet kunne ha ein slags stemme-funksjon, der klassar/ elevar kunne stemme fram ulike oppgåver. Og at klassa får tildelt tilfeldige oppgåver, gjerne. Det vart også påpeikt at det ikkje nødvendigvis er så hensiktsmessig at elevane skal samle ein viss poengsum (som eg hadde tenkt i høve til kategoriane). Det bør ikkje vera ei øvre grense på poengskalaen. Det kan slå negativt ut på motivasjon. Men det kan vera bra med ein slags skala...
Me snakka litt om at det kan vera lurt å gjera fleire av oppgåvene i grupper, og kan hende desse gruppene kan bli inndelt etter tema. Og dei skal seinare presentere det dei finn ut for klassa. Elevane i ei gruppe kan ha ulike ansvarsområder.
Ein aktivitet som vart føreslått var det å stemme opp nynorske ord, og gjerne lage nye nynorske ord. Eller at elevane får ein pott med ord, nokre reelle nynorske ord, og nokon tulleord. Så skal dei finne ut kva dei trur er nynorsk eller ei.

Nokre linkar og slikt

2009-10-23T14:20:00.005+02:00

Eg er hekta på Språkteigen
Eg kosar meg med hr Lomheim og ulike språkforskarar.
Vil anbefale alle å laste ned programmet på Podcast :)

...og språkteigen kan jo bli brukt innan kategorien LYTT i nynorskveka.

Ein av dei beste og mest inspirerande nettsider som er knytta opp mot nynorsk i læringa, er sida som handlar om teikneseriar. Ellers må eg innrømme at mange nettsider som retter seg mot ungdom og nynorsklæring, ikkje appelerar til meg. Men sida http://www.nynorsksenteret.no/teikneseriar/ verkar god. Eg ynskjer difor å vise til desse sidene når eg utviklar aktivitetskortet til aktiviteten teikneserie.

Fredagsoppdatering

2009-09-18T14:41:00.003+02:00

Aktivitetshjernestorm på skiljeveggen min.
4-5 av desse aktivitetane ynskjer eg å teste ut på målgruppa, og kan hende medstudentar og vener. Resultata vil eg bruke til å sjekke om aktivitetane er gjennomførbare, samt bruke det til bruk i den visuelle framstillinga av aktivitetane.

Nye og gamle tankar

2009-08-31T16:59:00.007+02:00

Rett før sommaren var eg på Fauskanger barne -og ungdomsskule, og fekk litt kjensle av kva visuelle preferansar dei hadde og kva aktivitetar dei syns verka mest interessante: Det er usikkert om eg får ha videre kontakt med denne elevgruppa, då dei kanskje skiftar lærar, pluss at eg trur eg skal endre målgruppe. Så difor, til alle i klasse 9a: Takk for hjelpa!

Målgruppe:
Fleire, både pedagogar og nynorskforkjemparar, meiner det finst mange gode grunnar for å starte med nynorskundervisninga tidlegare enn kva som er vanleg i skulen i dag. Difor tenkar eg at konseptet mitt kan vera ein slags vegvisar i denne debatten. Då eg ikkje har gjort særleg undersøkjing spesifikt på den fyrst tenkte aldrsgruppa, trur eg ikkje det vil vera noko i vegen å endre målgruppe på dette tidspunktet. Eg trur dessutan mitt visuelle uttrykk kan appelere meir til ei yngre målgruppe, og eg kan ha større sjangsar for å påverka denne aldersgruppa. Eg bør difor opprette kontakt med ein ny skule og elevgruppe. Skal eg då kontakte ein bergensskule eller ein osloskule? Her har eg fått ulike tilbakemeldingar frå medstudentar, og må ta eit kjapt valg.

Nynorsk på nytt:
Som nemnt i tidlegare innlegg( http://gretemaster.blogspot.com/2009/07/nynorsk-pa-nytt.html) har det komt ut ei ny bok denne sommaren som skal inspirere lærarar i nynorskundervisninga. Eg har lese denne i sommar, og er einig i mykje av det som blir skrive. Samstundes er eg usikker på om bokformatet er det rette mediet å presentere alle desse ideaene i. Eg trur det å sette alle desse ideane inn i ein kontekst kan gjere det lettare for lærarar å ta i bruk tipsa og undervisningsformene. Eg ynskjer å ha ein dialog med forfattarane av boka, og vil komme meir innpå innhaldet i den skriftlege delen.

Nettside:
Under semesterevalueringa før sommaren kom det fram at eg seriøst bør tenka på å ta i bruk internett som format for oppgåva mi. Kan hende ei webside er det rette mediet. Dette av fleire grunnar:
Undersøkjinga eg har gjort på emnet viser at det finst utruleg mange undervisningsressursar på nett, og ved å utarbeide ei nettside kan desse lett linkast opp mot sida.
Web er ein effektiv kommunikasjonsflate mellom brukarar. Ein kan lett ha kontakt med t.d andre elevar og skular for utveksing av idear kring nynorsk, og t.d arrangere diverse konkurransar.

Ei slik nettside kan ha fleire lag. Dette bør eg gjere meir undersøkjing på. Eg kjenner at eg ikkje har tilstrekkeleg med kunnskap om dette mediet. Men den umiddelbare tanken er at det kan vere både interne skulesider, medlemssider, lærarsider og introside til nynorskveke-konseptet.

Eg ser for meg at den grunnleggjande strukturen kan vere noko liknande slik t.d. flyselskap har. Eg syns tanken om å utarbeide medlemskort (bonuskort) kan vere god, og at ein må registrere kva ein gjer på sine eigne medlemssider. Noko info kan vera synleg for ikkje-medlemmer, medan det meste skal vere for medlemmer, gjerne klassevis. Elevane kan jo sjølv produsere si eiga side, der dei registrerer og linkar opp deira eigne funn eller oppgåver(t.d bokmeldingar)

Format/ konsept:
Eg ynskjer å produsere noko trykt materiale også. Dette er viktig for å vise at designet ikkje berre kan fungere på skjerm, men overførast til mange ulike produkt. Dessutan er det ikkje tilgang til ubegrensa antal datamaskinar for elevar i skulen. Prosjektet mitt bør difor ikkje åleine vera avhengig av nett-tilgong. Eg har eit sterkt ynskje om å utarbeide ein slags quiz/kviss eller spørsmålskort, der elevane kan lære gjennom leik.
Eksemplar på aktivitetar:

Eg har også vore inne på tanken om å utabeide skilt- eller merkingssystem og illustrasjonar berkena for det fysiske rom. Ein kan ha rom, eller soner i rommet, som speglar dei ulike kategoriane: Lytteposten, Lesekroken, Leikesonen, Leiterommet, Lærehjørnet... Denne ideen krev litt meir utdjuping, trur eg, men kan vera spanande å byggje videre på. Eit stort men med denne ideen er arealet. Det krev gjerne stor plass, men ved hjelp av avgrensingsmateriell kan det kanskje vera mogeleg å kun bruke eit klasserom... tenke tenke...

Eg ynskje at elevane skal få eit personleg forhold til nynorsken på bakgrunn av si eiga dialekt. Eit av kjerneomgrpa mine er jo personleg. Eg tek difor med kampanjen Tine/Litago har; "Tegn din egen ku". Kanskje elevane kan utforme sin eigen nynorsk-logo eller liknande?

Tenkar kanskje at eg vil lage ein vignett også.
Det er så mykje eg vil gjera!

SOMMAR OG FERIE :)

2009-07-07T17:45:00.005+02:00

Planen var at juli skulle vera Masterfri...men det har visst endra seg noko. Juni vart masterfri, med sykkeltur og sommarjobb, så no prøver eg å organisere og skrive ned tankar og idear som har oppstått. Litt oppdatering på gang, altså!
(biletet er forresten fra Italia :)

Idear og tankar...

2009-07-07T17:19:00.008+02:00

Sjølv om eg har hatt Masterfri, som eg kallar det, vil det ikkje seie at eg ikkje tenkar på oppgåva. Den surrar i hovudet heile tida. På jobb, på tur, heime i stova, når eg vaskar opp eller surfar på nettet.

Her følger litt tankar og idear og "fikse" løysingar på små problem...

1) HAUKELAND
Eg har sommarjobb på Haukeland Universitetssjukehus. Her jobbar eg i buffet på kreftavdeling. Det blir fokusert på mat som medisin, og vår oppgåve er å lage til næringsrik og sunn mat til pasientane. Matlysten er ikkje alltid på topp, og då er det veldig viktig at maten som blir gitt inneheld dei riktige mengder næring.
Innhaldet i maten er altså viktig, men nesten like viktig er korleis maten ser ut. Her kjem mine estetiske evner godt med. Friske og fargerike grønnsaker verkar tiltrekkande og pasientane et meir. Visuell kommunikasjon i praksis!!!

Videre vil eg komme med to eksemplar frå sjukehuset som lettar og effektiviserer jobben.
a) Matkort - sengeliggjande pasientar som får maten inn på romma, har kvart sitt matkort der romnummer står på. Til kvar måltid skriv dei (eller sjukepleiarane) ned på post-it-lappar kva dei ynskjer til mat, som me i buffeten lagar til, og plasserer matbrettet på tralle og inn på avdeling. Denne kommunikasjonsforma fungerer veldig bra, pasientane får ynskjene sine, me slepp å springe rundt på avdelingar(og slepp unødvendig kontakt med nokon gonger svært sjuke menneske) og i tillegg, sidan det berre står romnummer på korta, er bestillingane anonyme om det skulle komt på avveie.
b) Portørar har m.a som oppgåve å fylle på lagerbeholdning av diverse varer. Dette glejd t.d vaskemiddel, skyllemiddel, klutar og serviettar. Ofte er skapene dette står i svært fulle, og det er vanskeleg i ein travel kvardag å sjå kva som manglar. Difor, når ein går tom for t.d vaskemiddel, snur ein merkelappen som er i skapet for dette produktet, slik at lappen blir rød. På den måten kan portøren, i det han opnar skapet, med lettheit sjå at her manglar det noko, og varen blir fyllt på. Enkelt og smart!
(...skisser av det eg skildra i full fart...)

2) TED
...Og med det same me er inne i "sjukehusverda"... Har blitt litt hekta på TED foredrag i det siste. Sjekk ut denne: Finds design in the details

...eller denne(som har meir med det å endra haldning til læringssituasjonen å gjere): Once upon a school

3) BOK OM BØKER
Eg har vore på sykkelturferie i Toscana denne sommaren (fantastisk!) og då var me m.a innom Ufisi- galleriet i Firenze. Ganske kaotisk i inngangspartiet der, forresten, så det burde dei fått ei anna ordning på. Eg og venninna mi gjekk rett forbi billettluka, t.d, og det vart opphopning av kø fleire stadar... Men, uansett, eg kjøpte ei bok her: Books to check out for kids.
Her er det utfyllingssider der ungdommar/ born kan fylle ut fakta, meinigar, bokmelding og tips om bøker dei har lese. Det finst tips om gode bøker og nettsider om litteratur bak i boka, samt klistermerker som kan klistras på ulike skjema inne i boka. Eg syns det var ein ganske god ide, og ville berre vise noko utdra her på vevloggen.

Nynorsk på nytt

2009-07-07T16:52:00.003+02:00

Fagbokforlaget har nett komt ut med ei bok: "Nynorsk på nytt" som skal vere ei idebok for lærarar i undervisning av nynorsk som sidemål i ungdomsskule og videregåande. Då eg las skildring av boka, vart eg litt nervøs for at denne boka skulle begrave masterprosjektet mitt. Det var nesten for likt, tenkte eg. Eg fekk ei utgåve av boka sist veke, og har starta å lese og bla i ho. Nokon tankar har eg gjort meg allereide, og kjem nok til å bruke og referere til denne boka i den skriftlege delen. Eg ynskjer også å få til eit slags samarbeid med, eller iallefall kontakte, forfattarane av boka; Norunn Askeland og Cecilie Falck-Ytter.

Boka er fyrst og fremst tenkt til å vera ein ressurs for lærarar, og vendar seg difor ikkje direkte til ungdom og elevar. Ressurspakka eg utarbeider har difor eit anna fokus og kommunikasjonsmål, og som eg har påpeika fleire gonger i den skriftlege delen min, ligg min kompetanse innanfor det visuelle og ikkje det pedagogiske.

Boka er på rundt 200 sider, formatet er lett å bringa med seg og å lese i, men samstundes lurar eg på om dette er noko lærarar eigentleg tek seg tid til å lese? Er det endå ei bok eller kompendiet som har som mål å vera til hjelp, men som heller blir ei byrde? Er boka det rette mediet til emnet? Eg trur at det kan vera meir verkningsfullt å utvikle konkret matreriale i staden for å berre beskrive kva som kan gjerast.

Det ser ut som om forfattatrane har samla og funne mange av dei same nynorske nettressursane som eg undersøkte sist haust. Dette er vel og bra, men samstundes litt tungvindt at dette blir presentert i bokform. Lærarar må alikevel leite opp nettsidene, og bruke tid på å leite seg fram.

I starten av boka påpeiker dei m.a at sidemålsundervisninga startar for seint. Mange startar ikkje før i 10 klasse, og då er fokuset ofte på gramatikken. Norunn Askeland og Cecilie Falck-Ytter meiner ein fint kunne ha introdusert nynorsk alt på barneskulen. Er dette noko eg bør vurdere?

Lesarinnlegg og artiklar.

2009-07-07T16:43:00.005+02:00

Det har hopa seg opp med avisutklipp og artikklar gjennom året som har gått. Eg må prøve å få orden og å lese gjennom og sjå kva som er brukanes i videre arbeid.

Avisutklippa handlar om nynorsk, eller om undervisningsformer og pedagogikk. Det kjem sjølvsagt fram ulike meiningar om nynorsken, og noko av desse haldningane refererte eg til i analysen i den førebelse skriftlege delen. I den fyrste fasen av masterperioda var det avgjerande for meg, og utviklinga av oppgåva, å ta med seg alt det som vart skrive om nynorsken. No, når fokuset mitt er å rette meg mot skulen, har også emna på avisutklippa endra seg noko. 2 av artiklane på biletet (over) , "Undervisningens hellige gral" og "Elevene lager kunnskapen", handlar om undervisning og undervisningsmetodar. T.d er det gjort forskning på kva faktorar som spelar positivt inn på elevar si læringsutbytte, og i følgje undersøkjingar gjort av John Hattie, er læraren den viktigaste brikka for kunnskap. Læraren si evne til kommunikasjon og evna til å fremme elevane sin kommunikasjon, samarbeid med elevane og elevane si sjølvevaluering er dei mest essensielle faktorane(medan gruppestørrelsar, fysisk aktivitet, lekser, prøver og testar kjem lengre ned på lista til Hattie, som består av 136 faktorar.)

På Årstad vgs har nokre av elevane vore med på å forme undervisningsmateriell for minioritetsspråklege elevar på VK1, Medier og kommunikasjon. Dette er eit samarbeid mellom skulen og Fagbokforlaget, og skal resultere i nettressurs som skal lanseras til hausten. Elevane som lagar materialet seier at dei sjølv har stort læringsutbytte av ei slik tilnærming til stoffet.

Dette er to eksemplar eg ynskjer å ta med videre i utvikling av konsept.

Tur til Fauskanger 3

2009-06-01T18:56:00.019+02:00

Den 26 mai tok eg igjen turen ut til Fauskanger. Her hadde eg avtale med 9a og lærar Maria Pedersen. Dette er kan hende siste møte med denne klassa, sidan eg helst ynskjer å ha kontakt med elevar som har nynorsk som sidemål, og ikkje hovudmål som situasjonen er her.
Eg presenterte prosjektet mitt og kva eg hadde gjort ut frå workshopen me hadde sist gong. Eg snakka også litt om design generelt og kva me gjer på kunsthøgskulen.
Det største målet for dagen var å teste ut ulike visuelle uttrykk på elevane, samt nokon av aktivitetane(som kan vera ein del av nynorskveka) eg har kome fram til. Eg hadde ulike skjema dei skulle krysse av og skrive poengsum på. Det visuelle skulle dei rangere frå 1 til 10 poeng i kategoriane komposisjon, fargar og form. Dei skulle også skrive assosiasjonane dei fekk til dei ulike uttrykka. På skjemaene for aktivitetane skulle dei sette ring rundt anten smilefjes, nøytralt fjes og surt fjes, alt etter om dei lika aktiviteten eller ei. Dei skulle også komme med eigne forslag på aktivitetar. Eg hadde både 20 visuelle uttrykk og 20 aktivitetar dei skulle sei si meining om.

Ovanfor viser eg dei 4 visuelle uttrykka som fekk høgast poengsum. Om den fyrste vart det i tillegg skrive: HipHop, teikneserie, noko lett og spanande, noko interessant og kult, "eg diggar denne", dans, digitalt og for ungdom. Om den neste vart det skrive: oj kult!, humor, barn, spill og stilig.
Eg kunne sikkert ha gjort denne undersøkjinga på ein annan måte, men ser på dette som ein slags test til ein annan gong. Til hausten tenkar eg å gjennomføre ein ny test, men då skal eg ha meir av mine eigne arbeider, pluss ha rådført meg om testemetode med m.a Morten William Knudsen.
Denne testinga viser meg alikevel at elevane i denne klassa (ca 15 stk) ikkje gav noko eins svar. Sjølv om nokon av uttrykka fekk høgare poengsum, vart mest alle forslaga gitt både einarar og tiarar.

Når det gjeld kva som kom ut av aktivitets-testinga, har eg ikkje analysert dette grundig. Men eg ser også her at det blir svar ganske ulikt sjølv om rollespel, quiz, kulturelt besøk, sporleik/skattejakt og oppgåver på mobil scorar høgt. Å leite etter nynorsk i media og i butikkar, samt "nynorskkort" og klasseblog var dei minst populære forslaga.
Elevane kom sjølv med forslag om å lage nynorsk film, data , snakke nynorsk ein heil dag, spill og ordkort der det gjeld å vite tydinga av ordet på kortet.

Elevane var svært flinke og tolmodige denne dagen. Eg fôra dei med blå druer, og me hadde pausar undervegs. Berre det å vera i ein klasse å kjenne på tidsaspektet og konsentrasjonsnivå gjev meg verdifull lærdom i videre utvikling av denne ressurspakka. Eg har fått ei viss kjensle av utfordringane som ligg i det å halde motivasjonen og konsentrasjonen oppe hjå målgruppa mi.

Semesterevaluering

2009-05-19T15:05:00.003+02:00

19 mai, og semesterevaluering med Ashley Booth og Geir Goosen.
På evelaueringa snakka me aller mest om masterprosjektet, utvikling, status og framtida. Me snakka spesielt om kva som burde vera klart til etter sommaren.
Først og fremst bør eg arbeide ut ei "smørbrødliste" der mange, rare og gøyale aktivitetar (realistiske som urealistiske) er beskreve. Det vil også vere ein fordel om desse aktivitetane på ein eller annan måte er testa på skuleelevar.
Sidan Geir Goosen ikkje var på den visuelle presentasjonen i sist veke, såg me på presentasjonen i saman, og eg fortalte kort kva form prosjektet mitt har teke. Konsept, med kjernebegrep, kategoriar og mål vart gjennomgått, og me såg på dei visuelle utprøvingane mine.
Me diskuterte også i kva grad eg skal inkludera brukaren i dette prosjektet. Både Ashley og Geir meinte at noko brukarinvolvering er på sin plass. Eg er forsåvidt einig i dette, spesielt med tanke på testing og input frå elevar. Eg har jo allereide eit lite samarbeid med Fauskanger skule på Askøy, men skal få i gang eit samarbeid på ein bokmålsskule i bergensområdet også.
Det vart også nevnt at internettmediet bør vere ein del av prosjekte mitt. Om dette blir i form av ei nasjonal nettside der det blir interaksjon på tvers av skular, eller om det blir ei lokal side, veit eg ikkje ennå. Det kunne sjølvsagt vore bra å ha eit større forum der aktivitetar, tips og konkurransar kan føregå på tvers av skular.
Geir Goosen nemne to bøker: Traktorland og Det norske huset. Kan hende eg kan kontakte forfattarar/fotografar/designarar av desse bøkene for tekstar og/eller bildemateriale?

Vegleiing med Mosse

2009-05-19T12:04:00.012+02:00

Eg hadde vegleiing med Mosse Sjåstad torsdag 14 mai. Det er alltid inspirerande å snakke med Mosse og høyre hennar synspunkt på oppgåva som ho ser på frå hennar ståstad. Mosse sin kompetanse er innan interaksjon, og slik oppgåva mi utviklar seg vil eg truleg få god hjelp av hennar kompetanse.
Eg presenterte den visuelle presentasjonen eg hadde den 13 mai, og me snakka om kva moglegheiter som finst med oppgåva. Noko av bekymringa mi ligg i korleis eg kan presentere dette visuelt. Ho foreslo både evidencing og paperprototyping. Ho meinte også at eg med fordel kan oppdatere meg meir på servicedesign og pedagogikk.
Me diskuterte kva som kunne vera med i denne ressurspakka eg ynskjer å utvikle. Mosse foreslo eit digitalt skattejaktkart-aktig software som ein kan plotte inn ulike hint, område, mål eller liknande på. Dette kan jo knyttas opp mot ei nasjonal nettside. (dette er eit området eg er ganske grønn på....men her kan eg verkeleg nytta meg av Mosse...) Ho syns aktiviteten med oversetting og dubbing av ein engelsk film til nynorsk var ein spannande ide, samt jakte på nynorsk og dialektar i det offenteleg/ bybilete/ media. Bokbadet er også spanande. Aktiviteten har mange nivå, som å forberede, finne på spørsmål og eventuelt filme. Å arrangere skodespel og diskusjonar med nynorsk som tema, kan også vera nyttig for elevane si haldning til faget. Eg kan eventuelt utarbeide eit hefte der det er foreslått ulike tema og korleis dette kan organiserast.
Me snakka også om ideen med ulike spel og kort. Me hugsa begge bil- og båtkorta me spela med som små. Kan hende eg kan utarbeide noko liknande med nynorske ord? Ulike ord kan få ulik verdi i ulike kategoriar. Orda kan igjen delas inn i familiar som tematikk/gramatikk e.l. Dette kan vera ein god måte å utvikle det nynorske ordforrådet på.

Fellespresentasjon 13 mai

2009-05-14T10:16:00.013+02:00

Ny fellesgjennomgang. Denne gongen med fokus på det visuelle. Sjølvsagt vart det også snakka om det konseptuelle, og eg fekk gode tilbakemeldingar på kategori-inndelinga mi, og innspel på kva aktivitetar som kunne vore aktuelle. Det vart peika på at eg burde teste ut konsept på elevar på austlandet. Dette ynskjer eg å få til tidleg på hausten. Samstundes ynskjer eg å kontakte ein bokmålsskule her i Bergensområdet, sidan det vil vera meir tilgjengeleg for meg. Skulen eg har kontakt med, Fauskanger barne-og ungdomsskule, er ein nynorskskule, og dei vil sjølvsagt ha andre tankar om målforma enn dei som har nynorsk som sidemål.
Det vart også nevnt at det kunne vore fint at elevane skulle produsere noko i løpet av denne veka. Dette har eg tankt på sjølv også, som t.d avis eller magasin. Det kunne også vore interresant å utvikle eit forum der klassar kan komme i kontakt med kvarandre på tvers av skular og landsdelar. Det kan også utviklas til å vera ein konkurranse mellom klassar. Det vart peika på viktigheita av at elevane sjølv kan utvikle språket, ved å t.d skape nye nynorske ord.

kreativ mandag

2009-05-04T19:51:00.008+02:00

Visdomstanntrekking og heimedag... Ein dag i sofaen framfor TV´en resulterte i desse rare og fargerike tinga her...

Vegleiing med Ashley

2009-04-30T11:22:00.003+02:00

torsdag 30 april:
Ein kort og nyttig vegleiing med Ashley...

Tida var inne for å få bekrefting på det har gjort, og til å få eit spark til å jobbe vidare. Og ved å snakke med Ashley i ein halvtime, har eg fått meir motivasjon til å fortsetje i same bane: Nemleg å leike meg med det visuelle, utan eigentleg å tenke så mykje. Paralelt skal eg lage nokre idekort, som eg kan gje ut til medstudentar og folk i alle aldrar, der dei kan komme med idear til aktivitetar. Eg skal også prøve å få til eit møte med elevar på 8.trinn på Fauskanger skule (+ein annan skule i Bergensområdet som har bokmål som opplæringsmål?) Eg ynskjer å teste ut noko av det visuelle på desse elevane, og det er desse visuelle ideane eg må jobbe intensivt med til den tid. Då håpar eg på å ha ein variasjon og relativt stor mengde av uttrykk som dei kan samanlikne. Dei skal også sei sine meinigar om aktivitetene eg har kome fram til.
Ashley peika på at det er viktig å få dokumentert prosessen. Eg bør difor ha rutinar for å skrive om prosess og refleksjonar.

Litt skisser og leik...

2009-04-30T11:15:00.008+02:00

Eg har jobba utifrå dei ulike kategoriane mine og ut frå kjerneomgrepa. Eg veit eg treng tid på å utvikle eit spannande visuellt uttrykk. Her visar eg ein liten start...

Fellesvegleiing tirsdag 21 april

2009-04-22T13:53:00.005+02:00

I går hadde eg fellesvegleiing med hovudvegleiar Ashley og medstudentane Caroline, Silje, Gry og Katrin. Det var veldig bra å diskutere prosjekta saman, og eg fekk nyttige tilbakemeldingar. I høve til prosjektet mitt snakka me primært om ideen min med kategorisering av undervisninga i ulike emne. Eg har kome fram til stikkorda LYTT - LÆR - LES - LEIT - LEIK. Stikkorda vil hjelpe meg både i videre utviking av konsept og med det visuelle. Dei famnar om kjerneomgrepa mine, samt at viser til ulike måtar å tileigna seg nynorsk-kunnskap på. Eg ynskjer altså at undervisninga skal kunne kategoriserast, og truleg utviklar eg ein form for klassesett med aktivitetskort som fortel kva elevane skal gjere. Aktivitetene under kvar kategori kan vere ei blanding av mine forslag og den aktuelle klassen sine forsalg.

Inspirasjonsvegg

2009-04-22T09:39:00.008+02:00

Oppmuntring

2009-04-22T09:14:00.007+02:00

Koselege, små beskjedar frå Caroline. Dei var plassert litt rundt omkring på ting og tang... :)

snart påskeferie

2009-04-02T10:18:00.005+02:00

ja! Då var fellespresentasjonane overstått, og tilbakemeldingane på prosjektet mitt var generelt positive. No er det berre å køyre på med visuelle utprøvingar og skisser. Det blir kjekt! Og når det no attpåtil snart er påskeferie, kjenner eg ein utruleg lettelse. Eg legg ut nokre få visuelle ting her...dei er utan mål og meining, eigentleg, men ein start iallefall. Kan nok love meir etter påske.

Kort oppdatering...

2009-03-20T17:57:00.004+01:00

Trur det trengs ei lita oppdatering på prosjektet mitt. Me har levert inn utkast på skriftleg del for eit par veker sidan, og eg har byrja å jobba litt visuelt...såvidt iallefall. Men alt er ikkje spikra ennå. Hadde vegleiing med Ashley i dag, og ho etterlyste ein litt meir oversikteleg designstrategi. Den skal eg jobbe med parallelt med det visuelle fram til fellespresentasjonar om 2 veker.

Eg jobbar kring ideen om å innføre ei Nynorsk-veke på ungdomsskulen. Mi oppgåve vil vere å utvikle eit rammeverk, som gjer visse føringar i undervisninga, men eg er ikkje pedagog, så å utvikle noko pedagogisk opplegg er ikkje mi oppgåve. Mi oppgåve vil heller vere å oppmoda lærarar og elevar til å bruke ressursane som allereide finst, ved hjelp av "nynorskveke-pakka". Pakka kan t.d. innehalda arbeidshefte, animasjonsfilm, merking av nynorske bøker, skattekart, skilting, nettside+++ Kan hende kvar enkelt dag i denne veka kan ha sitt eige tema, t.d nynorsk litteratur, nynorsk og næringslivet, nynorsk og dialektar, osb...

Eg ser at det er mange moglegheiter i ei slik veke. Men hovudfokuset mitt fram mot påske skal vere å jobbe visuelt. Eg ynskjer å jobbe intuitivt, utan altfor mykje tanke på det ferdige produktet.

Fiiint

2009-03-20T17:41:00.011+01:00

Ein kan gå amok på nettet...finst så mykje fint! Viser berre noko utvalg av det fine her på bloggen min. Resten skal eg printe å henge opp ved pulten... Ashley etterlyste ein inspirasjonsvegg. Så det skal vere målet for helga. Det skal bli gøy å omgje seg med visuelle frydbarheiter (trur det er eit nytt ord....hehe)

inspirasjon

2009-03-20T17:11:00.012+01:00

Ulike arbeidshefter. Leikne og morosame.

www.marcuswalters.com

Holmlia skule

2009-02-26T20:44:00.002+01:00

Den 26 februar møtte eg Vibeke Kjeldsbu Larsen, undervisningsinspektør ved Holmlia skule.
Grunnen til at eg tok kontakt med Holmlia skule er deira arbeid med nynorskundervisning. Prosjeketet er kalla Sidemålsløftet og er eit samarbeid mellom Nynorsksenteret og skulen. Larsen Kjeldsbu oppfordra meg til å ta kontakt med koordinatoren for prosjektet, Bente Kolberg Jansen, for å få meir informasjon om funna som har blitt gjort. Vibeke Kjeldsbu Larsen kunne fortelje noko av prosjektet, men det var no i avsluttingsfasen og Kolberg Jansen kunne truleg fortelje meir om erfaringane som var blitt gjort.
Noko av grunnen til at Holmlia skule byrja med dette prosjketet var på grunn av utfordringane dei møtte på i høve til sidemålsundervisninga. Dei fleste elevane ved Holmlia kjem ikkje i kontakt med nynorsken andre stadar enn på skulen, og leiinga fann ut at dei måtte gjera noko bevisst for å klare å oppretthalda undervisninga, ellers ville det bli veldig tungt å skulle undervise i faget. Difor byrja dei samarbeidet med Nynorsksenterte i 2005.
Vibeke Kjeldsbu Larsen kunne fortelje at noko av målet med prosjektet var å avdekke om opplæring i nynorsk fremma språkkunnskapen og var viktig for språklæring generelt. Det viser seg at det er viktig for nokre, dei elevane som allereide er på eit visst nivå.
Holmlia har m.a. brukt nynorsk i RLE-faget. Nokre av desse tekstane er vanskelege i seg sjølv. Ein kan sjølvsagt diskutere graden av viktigheit av å bruke nynorsk i desse tekstane. Tekstane blir kan hende opplevd som ekstra vanskelege, samstundes opnar dette for spanande språklege diskusjonar.
Holmlia skule opplevde ofte at elevane nytta seg av fritaksregelen av strategiske årsaker. Mange søkte om fritak i 10.klasse for å ungå ein kan hende dårleg karakter i standpunkt, og dette kunne videre gje visse fordeler i videre skuleinntak. Denne fritaksregelen er i seg sjølv noko vanskeleg å tolke, seier Vibeke Kjeldsbu Larsen. Paragraf 2.8 elevane (elevar som kjem direkte frå mottak) har rett på fritak frå sidemålsundervisning dette gjeld også minioritetsspråkelege. Men kven er eigentleg nok minioritetsspråkelege til å nytte denne regelen? 65% av elevane på Holmlia skule har foreldre med anna morsmål, medan dei sjølv har gått på norsk skule heile livet. Kva reglar gjeld for desse? Kjeldsbu Larsen fortalte at nytt lovforslag var ute på høring i desse tider. Forhåpentlegvis blir lova noko enklare å tolke.
Holmlia skule opplevde at elevar med minioritetsbakgrunn ofte ikkje hadde dei same fordommane som norske elevar har. Foreldrene til elevane med minioritetsbakgrunn har ikkje sjølv noko forhold til nynorsken og difor har ikkje desse elevane nokre forutinntatte haldningar.
Vibeke Kjeldsbu Larsen meinte dei største utfordringane i høve til nynorsk og ungdom var at dei ikkje møter nok nynorske tekstar både i media og i skulen. Mykje av den moderen nynorske ungdomslitteraturen er lite kjent. Det finst også lite nynorske tidsskrifter og tekstar som er på ungdommars premisser. Kan hende det kunne vera ein ide å koble det læreplanen seier om læring av samansatte tekstar saman med nynorsken? Ho såg at det kunne vore ein ide med å ha ei nynorskveke, samstundes som det kan vere vanskeleg å gjennomføre nynorsk gym. Ho råda meg til å tenke gjennom noko produkt som også lærarane såg på som nyttig. Det burde vera noko som inkluderte måla til kunnskapsløftet, slik at lærarane ikkje oppfatta det som eit tillegg men meir som ein ressurs.
Vibeke Kjedsbu Larsen sa seg villig til å gje meg tilbakemeldingar på oppgåva, og eg stod fritt i å bruke nokre elevar til testeing av ei mogeleg løysing.

Tur til mållaget 24 februar 2009

2009-02-25T08:20:00.007+01:00

Ein vinterdag i Oslo, og turen gjekk til Grønland. Her skulle eg møte Mållaget i deira lokaler i Schweigaardsgate 16 klokka 11:00.
Eg fekk snakka med Kjartan Helleve, informasjonskonsulent i mållaget og redaktør i Norsk Tidend. Han gjorde mykje av arbeidet med det grafiske i Mållaget. Han peika på at det mangla ressursar til å kunne gjennomføre ei einheiteleg profil i organisasjonen, og logo og grafiske element dei bruka no var eigentleg designa for jubileumsåret i 2007. Dei fortsatte å bruka denne profilen etter jubileet vart avslutta. Helleve seier at elementa er greie å jobbe med, lett gjenkjennbare og gjer ei viss form for fridom i utformingsarbeidet. Mållaget har ein gamal logo, eit merke, som dei brukar på t.d årsmeldingar. Dei hadde ei gammal grafisk profil som vart utarbeida på bakgrunn av dette merket, men profilen er utdatert, og det vert altså ubevisst brukt jubileumsprofilen videre i ulikt materiell.
Det blir utarbeida mange ulike brosjyrer og flygeblad i Mållaget og Målungdomen. Det er organisasjonen sjølv som utviklar desse. Lokkallaga rundt om i landet tek ikkje i bruk profilen, men får tilsendt nokre av brosjyrane. Dessutan har mållaget laga ei slags aksjonspakke med bannar, ballongar og drops som kan nyttast på diverse standar rundt om i landet.
Mållaget har tradisjonelt sett tenkt meir på argumentasjon og retorikk i deira kampanjar og framtoning. Helleve etterlyser ein meir uredd kommunikasjon, og peikar på at det herskar ei slags redsle for å seie at nynorsk er bra. Historisk sett var 70-talet bra for mållaget sin kommuniskasjon. Organisasjonen stod då for ein motkultur, der venstresida i politikken var framtredande forkjemparar. Det positive ved å snakka dialekt vart aktivt brukt i argumentasjonen. 80 og 90 talet var farga av interne og eksterne strider. På 90 talet greip staten inn og ba om ei skjerping og oppretta eit nynorskforum som skulle bringa nynorskdebatten på bana att.
Mykje av ressurassar og energi går i dag til dei evige kampane mållaget må kjempa. Dei må hevda dei lovpålagde rettane sine.Til dømes har kampanje om å få nynorske lærebøker ferdig distubiert til studiestart haldt på i fleire år. Dette tek sjølvsagt mykje krefter.
Mållaget seier at kvart medlem er ein aktivist. Det finst rundt 10.000 medlemmer, og mållaget trur at ein-til-ein samtale er den viktigaste form for verving og bevisstgjering.
Helleve peikar på at lokallaga i Mållaget gjerne tenker lite politisk, men desto meir kulturellt. Mange av laga arrangerer diverse litteraturkveldar, quizar og kulturfestar.
På spørsmål om kva som blir gjort mot ungdom, og kva som kan gjeras betre i høve til denne målgruppa, anbefalar Helleve meg å snakke med Målungdomen. Han har alikevel nokre tankar om kva problemet kan vere, spesielt i høve til nynorsk som sidemål i skulen. Mållaget ser ein trend til at generasjon på generasjon har fordommar mot nynorsken. Dei meiner at mykje av grunnen er lærarane og korleis dei legg fram faget. Lærarane bør bli opplærte i idehistorie slik at dei kan svare elevane på kvifor nynorsken er viktig. Nynorsk er ein ideologi, seier Helleve, og det trengs å ta i bruk ideologisk argumentasjon.
Mange av lærararane har ein slags angst for nynorsken allereide under lærarutdanninga, og denne angsten for å lære bort nynorsken kjem ofte tydeleg til syne og smittar over på elevane. Desse fordommane vil truleg sitte att ein i minst ein generasjon til, sidan det fortsatt er sterke kjennsler mot nynorsken hjå mange av lærarspirane i dag.
Målungdommen reiser kvar haust og kvar vår til videregåande skular i Noreg; "Språkfær". Dei opplever at mange av ungdomane får ei aha-oppleving etter eit slikt møte med målungdomen. Dei får svar på mange spørsmål, og nynorsken blir avdramatisert.
Helleve nemde eit prosjekt som Nils Vibe stod bak (må undersøkje dette meir) Forsøket gjekk ut på å kartleggja eventuelle haldnigsendringar til nynorsken, viss faget vart valgfritt. Elevane som var med i forsøket slapp altså nynorsk, men vart stimulert på nynorsk på andre måtar, t.d teaterbesøk og forfattar besøk osv... Det viste seg at elevane vart meir positive til nynorsken. Helleve stiller alikevel spørsmålteikn ved dette. Ingen veit om elevane hadde endra halding om dei fortsatte med nynorsk samstundes som dei kunne besøke teater og får forfattarar på besøk. Få elevar får denne moglegheita i det heile. Men, det er alikevel interessant å sjå på om sidemålet eigentleg gagnar nynorsken. Viss tvungen sidemålsundervisning generere så mykje hat som det kan sjå ut som, så er det ikkje sikkert det er lurt å halde på denne ordninga i det lange løp. Samstundes må ein tenke over kva som vil skje med nynorsken om sidemålsundervisninga fell vekk. Det er trass alt ei rik språkleg arv. Helleve seier at det å ha 2 offisielle skriftspråk også vitnar om eit raust samfunn. Helleve nemna også at han kunne sjå at Samnorsk glimra i det fjerne. Men før Noreg kan få eit eins språk måå nynorsk og bokmål vera reelt likestillt, seie. At berdifter som Lerum kan reklamere for sine produkt over heile landet, kan tyde på at motstanden mot nynorsken er avideologisert. At Ikea også kjøret ein kampanje på nynorsk viser at nynorsken er ufarleg.
På spørsmål om kva Helleve trur kan fungere når ein skal profilere nynorsken i møte med ungdom, seier han at det fyrst og fremst er viktig å ta ungdomen på alvor. Ein treng gjerne meir inteligente slagord og argumentasjon enn "nynorsk er kult". Han peikar oå at Ut-i-vår-hage- innslaget gjorde at Mållaget fekk 120 nye medlemmer og at førebilete som Kari Traa, Skigutane og Bula truleg verkar positivt inn. Han trur også at å møte ungdom i "YouTube-land", som han kalla det, er viktig. Kan hende det å brande eit omgrep, som t.d "Noldus" kan vera verkningsfullt og verka positivt inn. Han nemnar også prosjketet med Holmlia skule, der nynorsken vert intrigret i fleire fag.

Representantane eg snakka med frå målungdomen var Janne Nygård (dagleg leiar) og Bror Strand (sivilarbeidar). Sivilarbeidraen jobba ein del med utviklinga av flygeblada, og utforming og tekst blir utvikla av Målungdomen i samband med sentralstyret. Det er utskiftingar både i styret og i sivilarbeidstillinga kvart år. Dette gjer det vanskeleg å skulle oppretthalda ein einheiteleg profil, og stil og metode endrar seg. Dei peikar også på manglande ressursar til dette arbeidet. I fleire av deira flygeblad har dei kjente nynorskbrukarar på framsida. Til dømes Are Kalvø, Odd Norstoga og Tone Damli Aaberget. Dette trur dei verkar positivt inn. Dei kunne fortelje at dei var i ein logoendrings-prosess i desse tider...
Som Kjartan Helleve nemde, reisar Målungdomen på ei Målfærd 2 gonger i året. Dette ser dei på som svært viktig. Dei får møte ungdom der dei er, og er lett tilgjengelege til å svare på spørsmål. Dei opplever att mange elevar har lite kunnskap om nynorsken, Dei har for lite forhald til nynorsken, og Målungdommen trur dette har med at det er "feil" folk som har lagt premissene for nynorsken. Nynorsk blir sett på som tvang og i mange amanhengar som det 3. framandsspråket. Ofte viser det seg at det er måten lærarane underviser faget på som frammar fordommar.

Tur til Askøy 2

2009-02-18T16:01:00.007+01:00

Litt av nynorskcollagen som vart laga i 9a

17 februar tok eg turen til Fauskanger barne- og ungdomsskule att. Eg fekk vera med i ein 9.klasse i 2 timar. På førehand hadde eg laga til eit lite opplegg. Elevane hadde fått beskjed om å ta med noko dei forbandt med nynorsk samt noko visuelt som dei lika. Eg hadde laga assosiasjonsskjema og ark der dei skulle skrive positive og negative sider ved nynorsken på. Eg ville også at elevane skulle klippe og lime og teikne noko dei forbandt med nynorsken, Eg tok med meg nokre vekeblad som dei kunne finne bileter og mønster i og bruke til dette. Eg ynskte også å få til ein samtale og diskusjon om nynorsken og undervisning, og tok også med meg bøker med bileter av diverse grafisk design, slik at dei kunne vise meg kva visuelle uttrykk deira aldersgruppe likar.
Eg kom til Fauskanger skule klokka 11, og skulle vera med klasse frå kl 12.00 - 13.45. Tida før dette brukte eg på å snakke litt med rektor Norvald Hestetræet og med læraren som skulle vera med meg, Marie Pedersen. Eg spiste også lunsj på personalrommet, og fekk diskutert oppgåva og temaet mitt med nokre av lærarane. Dei seier det er ei utfordring at all undervisning skal føregå på nynorsk, sidan ikkje alle lærarar er nynorskbrukarar. Dessutan er det meir tilflytting til Askøy, og fleire elevar som vel bokmål som hovudmål. Ein av norsklærarane eg snakka med sa at det å sjå linken mellom si eiga dialekt og nynorsken burde fokuserast meir på. På den måten kan ein sjå at nynorsken er del av talemålet og difor viktig å lære seg. Dei opplevde at dersom ein sa til elevane at dei snakka nynorsk, ville dei truleg nekte for det. Men dei fleste, uansett om dei er tilflyttarar eller ei, snakkar meir tilnærma nynorsk enn bokmål.
Møtet med elevane gjekk greit. I ettertid ser eg at det kan hende var ei for stor gruppe for diskusjonar i plenum. Men eg gjekk litt rundt å snakka med dei medan dei skreiv og teikna, slik at eg kunne danne meg eit visst inntrykk av deira haldningar til nynorsken. Det verka eigentleg ikkje som dei var særleg bevisst på nynorsken. Nokon lika han, andre ikkje. Ei uttalte at det var eit fint språk, ei anna sa det var mora hennar som hadde bestemt at ho skulle ha nynorsk. Dei verka ikkje noko særleg negative til nynorsken. For flesteparten av desse elevane er ikkje nynorsk eit eige fag, men kun opplæringsmål, så difor kan det hende det blir noko abstrakt å diskutere dette.

Assosiasjonsskjemaene eg hadde laga var eit godt utgangspunkt for at dei skulle byrja å tenke. Desse skulle eg med fordel ha delt ut først, slik at dei kunne sitte ein og ein å fylle det ut. Det gjekk litt treigt i starten med collagen, men det ser ut som eg har fleire visuelle uttrykk eg kan bruke. Nokre av dei var meir seriøse enn andre, men alt i alt var dette eit nyttig møte for min del. Ein ser at alle har ulike behov og ulik måte å bli motivert på.

På tur til Askøy...

2009-01-31T11:49:00.006+01:00

Torsdag 29 januar hadde eg avtalt eit møte med Rektor ved Fauskanger barne- og ungdomsskule, Norvald Hestetræet. Eg hadde sendt ein tilfeldig mail til skulen der eg spurte etter visuelt materiale, og sidan han syns at oppgåva var interessant ba han meg ta nærmare kontakt. Difor vart det til at eg tok turen ut, og hadde ein ca 30 minuttars samtale med Norvald. Då fekk er ein del info om språksituasjonen på denne skulen, og me avtalte at eg kunne få møte ein ungdomsskuleklasse nokre timar ein annan dag. Det ville også vera mogeleg å møte dei fleire gonger i prosessen, slik at eg kan få tilbakemelding direkte frå målgruppa.

Norvald fortalte meg altså litt om språksituasjonen på Fauskanger barne- og ungdomsskule. Dei hadde merka ei markant endring i språkbruken både hjå elevar og lærarar på skulen, samt på Askøy generelt. For ca 4 år sidan vart det halde ei røysting om kva opplæringsmålet på skulen skulle vera. I forkant vart det mobilisert og debattert, og resultatet vart at det fortsatt skulle undervisast på nynorsk. Ei slik røysting kan berre gjerast kvart 5.år, så no vart det spanande å sjå om det ville bli ei ny runde med målformsdebatt.
Mange av lærarane på Fauskanger skule er sjølv bokmålsbrukarar. Og sidan det krevs at alt materiale skal vera på nynorsk opplevde dei at mange av dei mest språkbevisst foreldra kom med tilbakemelding og passa på at vart korrekt skrive. Også mållaget passar på at det vert nytta nynorsk på skulen. Samstundes opplevde Norvald at nynorskbrukande foreldre, som gjerne ikkje var like bevisste på språkbruken, ofte skreiv brev og mailar til han på bokmål. Kan hende det verkar meir formelt med bokmål, og at det difor kjennes meir naturleg i ei slik situasjon?
Det finst visse reglar når det gjeld opplæringsmål i Noreg. Om det er 10 elevar eller fleire i ei klasse som ynskjer ei anna målform enn det som er nytta på skulen, har dei rett på dette. På mindre skular, som t.d Fauskanger skule, der det gjerne kun er 13 elevar i ei klasse, kan denne lova vera problematisk og det er både ressurskrevande og vanskeleg å finne ei god løysing. Eg forstod det slik at det på Fauskanger skule kun var aktuelt med ei slik deling på ungdomstrinnet, og at dei då delte klassa i norsk og matte.
Norvald peika på at språket endrar seg generelt i heile Hordaland. Den tradisjonelle strilen, vart gjerne knytt til nynorsk, og fleire ynskjer kan hende å lausrive seg frå denne kategoriseringa. Strilen vart ofte sett på som ein fattigmann som kom til byen å ba om pengar og jobb, og ordet eller fenomenet stril har fått ein negativ undertone. Når nynorsken då blir knytta opp mot denne betegnelsen, er det naturleg at folk ynskjer å distansere seg frå målforma også.
Eg er svært glad for dette engasjementet til oppgåva mi på denne skulen. Eg føler meg priviligert som kan nytte ei heil klasse i eit par timar, sjølv om det også verkar skummelt. Men med godt forarbeid, oppgåver og spørsmål som kan vera interessante for elevane, håpar eg dei kan komme med deira syn på nynorsk og forslag til å betra undervisninga.

Vegleiing med Ashley

2009-01-28T16:39:00.001+01:00

Vegleiing med Ashley 28 januar 2009

På denne vegleiinga gjekk me gjennom lista mi over kva eg har gjort research på og kva område eg ynskjer å gjera research på. Inndelinga og overskrifter på denne lista var litt uklårt, men etter noko forklaring vart researchen inndelt i 3 hovedgrupper:
1- Den nynorske situasjonen ( språk og identitet, historikk, organisasjonar, haldningar i samfunnet, kultur, litteratur og media, språkpolitikk, personlege erfaringar, statistikk...osb...)
2 - Undervisning og faget Nynorsk ( diverse rapportar om sidemålsopplæring, den kulturelle skulesekken, digitale hjelpemidlar, diverse nettressursar, motivasjon, konkurranse, leik, korleis andre fag blir lært bort, "feltarbeid"...osb)
3 - Visuelt assosiasjonar (ornamentikk og rosemåling, det visuelle som er retta mot ungdom, målrørsal sitt visuelle materiale, Ivar Aasen-metode....)

Denne organiseringa syns eg verkar fornuftig. Eg er glad eg har funne fokus, men merkar eg må vera flink til å jobbe med det visuelle parallellt med det teoretiske. Til neste vegleiing skal eg skrive meir utfyllande enn det eg allereide har på kvart av punkta på lista, samt ha ei skisse på strategi. Eg skal spesielt jobbe med argumentasjonen i dette skriftlege materialet. Det vil verta ein del skriving fram mot neste vegleiing, og først då skal me diskutere om mengda og innhald er fornuftig. Ashley peika på at det kanskje var litt mykje...

Neste vegleiing blir tirsdag 17 februar kl 11:00

Vegleiing med Mosse

2009-01-28T16:37:00.002+01:00

27 januar:
Eg har kun hatt ei vegleiing med Mosse Sjåstad tidlegare. Det var i starten av prosjeketet, og då fekk ho meg til å tenke litt anleis enn kva eg plar gjere. På den fyrste vegleiinga var prosjketet mykje meir opent enn no. Og det vart difor snakka meir konkret denne gongen. Mosse syns fokuset mitt, at eg skal retta meg mot skulen og sjå på nynorsk som sidemål, verka som ein god ide. Ho hadde sjølv negative haldningar mot nynorsken då ho var elev. Difor etterlyste ho sterkare argument frå mi side, og hadde veldig lyst å ta ein real nynorskdiskusjon. Det er bra å få denne type tilbakemelding. Dei fleste eg har snakke med til no er jo sjølv nynorskforkjemparar. Og sjølvsagt har også det at eg held til her på vestlandet noko å seie for responsen eg får. Eg trur det er svært godt for videre arbeid med prosjeketet at eg får slike utfordringar.

Mosse stilte seg positiv til metoden eg skal bruke til innhenting av visuell info. Samstundes gjorde ho meg merksam på at det kan hende er lurt å ha ei meir målretta innhenting av denne informasjonen, som t.d berre spør folk frå vestlandet eller bokmålsbrukarar eller berre unge osv...Eg har sendt ut mailar til tilfeldige kommunar og skular mest for å vera på den sikre sida i forhold til å få noko att. Eg ynskjer kvantitet. Kan hende dette i seg sjølv kan vera ein inngang til analyse. Kven er det eigentleg som svarar meg? Og kva er argumenta for dei som ikkje trur dei har noko å bidra med? Til sjuande og sist, uavhengig av kven som sendar inn materialet, vil det bli utsatt for mi eiga tolking. Men eg ser alikevel poenget Mosse har. Geografi, meining og alder er nok ikkje urelevant for kva assosiasjonar folk har til nynorsk.

Videre snakka me om å gjera research på motivasjon for læring. Ho sendte nokre skriv om motivasjon, samt linkar til eit prosjekt der fotografi vart brukt som ein vitenskapeleg metode for sosiaologi. Ho nemte også at det kan vera lurt å finne ut om eg ynskjer å fokusere spesielt på lærarar og deira krav om å vera gode formidlarar(inspirasjonspakke) eller sjå spesielt på læremidlar eller rette meg aller mest mot elevar.

Neste vegleiing med Mosse blir 24 februar kl 13:15

Ivar Aasen-metoden

2009-01-28T15:16:00.007+01:00

Då Ivar Aasen samla inn dialektar, og konstruerte nynorsken, reiste han på kryss og tvers i Noreg i 4 år. Han skreiv ned ord, fann likheiter mellom dialektar, og gjorde eit nøysommeleg arbeide. Noko av denne metoden til Ivar Aasen ynskjer eg å overføre til oppgåva mi. Eg ynskjer å hente inn visuell info frå heile Noreg. Visuell info som viser assosiasjonar, tankar og idear kring nynorsken, sett gjennom nordmenn sine auge. Eg har sendt ut kring 70 mailar til eit tilfeldig utval kommunar og skular. Eg har fått nokon svar, og på bakgrunn av desse har eg starta å leika meg litt med collage...
Viser her ein liten start på det visuelle...

Desse var fine...

2009-01-22T16:13:00.003+01:00

nye tankar

2009-01-22T15:50:00.002+01:00

Etter ein masterfri juleferie, med god mat og bygdemorro, kom eg attende med ny giv og godt mot. Det er gledeleg å merke at prosjektet har modnast og blitt meir handfast. Sjølv om eg fekk det litt på avstand i julahar eg alikevel tenkt litt ubevisst på kva eg eigentleg ynskje å gjera. Eg har hatt ein prosess i haust, der innsamling av materialet har vore ustrukturert og alt har verka overveldande. Det finst så mykje meiningar om nynorsken, så mange namn, så mange debattar og så mange lesarinnlegg. Eg har vore usikker på kva eg skal luke bort og kva fokuset mitt eigentleg skal vere. Eg har dessutan vore dårleg på å skrive ned tankar og refleksjonar undervegs, men skal prøve å bli flinkare til dette frå no av.

Kort fortalt har fokuset mitt endra seg frå å gjelde kvardagsnynorsken blandt nynorskbrukarar til å gjelde primært dei som har negative tankar om nynorsken, samt at eg tenkar at prosjektet godt kan implimenterast i skulen. Aller helst håpar eg å utvikle eit slags system e.l. som kan gjelda både på skule og i kvardagen. Eg meiner det ikkje bør vere noko motsettnad mellom skule og fritid. Slik trur eg verknaden til prosjektet blir større.

Eg ynskjer å fokusere på leik og konkurranse i læringsprossessen, og at elevane sjølv kan ha noko valfridom i forhal til korleis undervisninga skal vere. Samstundes ynskjer eg også at systemet skal kunne fungere i kvardagen.

No held eg altså på med å lese kunnskapsløftet og læreplanar, rapportar og læringsressursar... Det er godt å kunne luke bort noko, og spanande å kunne tenke på nye idear til undervisning.
Eg treng å kontakte lærarr og få igang fokusgrupper. Turen går til Oslo i veke 9, så då håpar eg på ei fullbooka veke :)

ei fin bok...

2008-12-02T14:28:00.011+01:00

kjem norsken til å døy ut?

2008-12-02T12:23:00.010+01:00

Denne episoden av Typisk Norsk tek opp nokre relevante spørsmål for oppgåva mi. Mellom anna blir det diskutert det å gjere engelske ord om til norsk. Sylfest Lomheim oppmodar oss alle til å halde på norsken viss ikkje kjem han til å døy ut.

Sjekk også ut På godt Norsk, Språkrådet si side der det finst døme på norske avløysarord

morosamt...

2008-11-18T23:37:00.009+01:00

Etter at Ut i vår hage 2 - episoden om ein fiktiv maktkamp i mållaget var sendt, fekk mållaget 40 nye medlemmer i løpet av 2 dagar
Artiklar om saka: NRK , Nationen

Sjå innslaget

Ei dobbel bobble :)

2008-11-03T15:18:00.005+01:00

Dette er jo eit interessant og veldig relevant prosjekt for meg...
sjekk det ut her!

artiklar:
NRK Hordaland
På Høyden
Studvest

Designbyrået Himmel&Jord

Om problemstillinga...

2008-11-03T15:12:00.005+01:00

Utviklinga av nynorsk.

Dei fleste har kjennskap til korleis nynorsken oppstod; at nynorsken er bygd på dei norske dialektane samla inn av Ivar Aasen. Slik sett er det tydeleg at nynorsken er ein sterk tradisjonberar, eit språk som har røter frå heile Noreg. Nynorske ord og formuleringar gjenspeglar korleis det norske leveviset var (?), og i kontrast med bokmålen, som bygjer på det danske språket, er nynorsken noko særnorsk og unikt (?).
Nynorsk er eit vakkert* språk som mange syns passar godt til poesi og kunstneriske tekstar. Xxx(namn) stiller spørsmålsteikn ved om nynorsken har blitt meir og meir eit høgkulturellt språk. Eg syns det er synd viss målforma verkar diskriminerande. Det er sjølvsagt viktig og flott at til dømes teaterstykker, dikt og ..... finst på nynorsk. Det bør fortsatt vera slik. Men for at målforma skal kunne overleve, bør nynorsken også bli brukt i kvardagen. Viss me omgjev oss med meir nynorsk vil det bli både lettare og meir naturleg for oss å nytta målforma. Og eg trur sjølvsagt det er fullt mogeleg å bruka nynorsken i det daglege. Eg gjer det, og fleire med meg. Det er ei aktuell målform.
Nynorsk er aktuell også i den språkpolitiske debatten i Noreg. Både høgare bevilgingar til nynorskrørsla frå regjeringa si side, utdeling av og oppretting av ulike nynorskprisar** og fleire festivalar og arrangement som har med nynorsk språk og litteratur å gjere***, syner dette. Debatten om obligatorisk sidemålsundervisning har vore i media i fleire år, og då er det flest bokmålsbrukarar som er imot dette.

Teikneseriar

2008-11-03T13:33:00.004+01:00

Det finst altså nokre teikneseriar på nynorsk...

Les meir nynorsk!

2008-11-03T13:07:00.014+01:00

Det er med nynorsken som med kvinnene, kvinner må vera ekstra flinke for å hevda seg, og dei nynorske bøkene må vera ekstra gode. Guri Vesaas
"Skal den nynorske barnelitteraturen overleve, må han vere best!" Einar Økland

Diverse artiklar: nynorsk barnelitteraturfestival , utdanningsnytt1, utdanningsnytt 2
Tips frå nynorsksenteret: nynorskbok.no

Eg trur at ved å lese meir bøker på nynorsk, blir ein både meir interessert i målforma og betre i å skrive nynorsk sjølv. Men nynorske bøker er jo ikkje berre desse klassiske bøkene av Garborg og Olav Duun, eller

Fleire undersøkjingar viser dette (jmf....)

http://www.utdanningsnytt.no/templates/udf20____17555.aspx

Kommentar.no - Carl Johan Breg
http://www.kommentar.no/xp/pub/t/hoved/229982

http://www.foreningenles.no/

http://www.bokdykk.no

http://www.litteraturhuset.no

Personleg innleiing

2008-11-02T16:33:00.001+01:00

Eg kunne eigentleg ha tent ein ganske grei slant. Men eg gløymde å ta betalt. Det var jo ei veneteneste.
For i 3 klasse på vidaregåande var eg åleine som hadde nynorsk som hovudmål, og då var det jo sjølvsagt naturleg for klassen min å bruke meg til gjennomlesing av sidemålsinnleveringar. Og slik, ved å lese gjennom tunge tekstar, oophengde i skrivereglar og meir eller mindre strippa for skrivarglede og med gammaldagse og avlegse formuleringar, kunne eg ha tent ein ganske grei slant.

Ei fengande innleiing....

2008-11-02T16:32:00.000+01:00

Ei innleiing bør vera fengande... Det er her eg skal få lesaren interessert i prosjektet! Kanskje den også bør vera litt personleg og med narrative eigenskapar. Så difor bør eg få fram mine eigne erfaringar med nynorsken her. Eg hugsar jo at eg var åleine på vgs som hadde nynorsk som hovudmål og at eg fekk "mellombels førarprov" :)

Nynorsken finst...

2008-11-02T16:31:00.018+01:00

...overalt.
Eg har funne ut at det finst utruleg mange organisasjonar, festivalar, prisar og ressurasar som støttar opp om nynorsken. Eg må rett og slatt samla alt eg finn!
Her er ei liste og linkar til nettet.

Nynorsken finst i:
Politikken: Mål og meining (utdrag frå språkmeldinga juni 2008) Språkbanken , Regjeringa satsar på nynorsk , frå TV2, Statsbudsjettet: Dagsavisen
Musikken: Odd Norstoga, Kjell Inge Torgersen, Side Brok
Reklamen: Grandiosa , viasat
Litteraturen: Samlaget, Skald
Teater: Det Norske teater , Les Miserables
Prisutdelingar: Dialektpris, Nynorsk næringslivspris, Nynorsk barnelitteraturpris, Nynorsk litteraturpris, Målprisen, Målblome
Media: Dag og Tid, Magasinett, Radio Røynda, Norsk barneblad, Nynorsk mediesenter , kino
Festivalar: Falturiltu, Nynorske litteraturdagar
Anna: Norsk kulturråd , ELLE, nynorsk er meir enn språk, nynorsk må bli alminnelig

Fine og merkelege ord

2008-11-02T16:31:00.003+01:00

Vørnad, tilrå, skjemd, gåverik, dugleik, førebels, likesæl, omstende, røynd, mellombels, førarprov, andlet, andsloppen, ande, andvaken, armod, arming, attende, hugnad, hugleg, hugheil, framifrå,

Frå engelsk til nynorsk

2008-11-02T16:31:00.002+01:00

Catwalk = motemolo
Eyeliner = augeblyant
Sit-up = bukbøy
Surround sound = kringlyd

Om prosjektet

2008-11-02T16:31:00.000+01:00

Eg vil arbeide med å profilere nynorsken, og ynskjer å rette meg mot ungdom. Dette har eg valgt fyrst og fremst fordi eg er glad i språk og nynorsk har alltid vore hovudmålet mitt. Fordi nynorsken er bygd på tradisjonar og dei norske dialektane, syns eg det er viktig at nynorsken blir brukt i det daglege.
At eg henvendar meg primært til ungdom er fordi fleire undersøkjingar viser at mange skiftar skriftspråk frå nynorsk til bokmål før ein blir 20. Eg ynskjer å finne ut kva grunnane til dette kan vere. Er det haldningar i samfunnet? Er nynorsk lite tilgjengeleg? Er nynorsk vanskeleg? Kan hende nynorsken treng eit nytt og friskt omdøme, og ved designen min vil eg vera med på å endre dette.

Kva er ein god problemstilling?

2008-10-29T23:18:00.000+01:00

Godt spørsmål! Eg har ikkje eit klart svar. Men etter ein dag med skrivekurs, med hovudfokus på problemstilling, har eg iallefall endra problemstillinga mi noko. Trur den er meir fengande no. Eg kjem nok til å endra ho igjen. Sikkert mange gonger, til og med... Slik skal det visst vera, seiar dei som har greie på det.
Den opbrinnelege problemstillinga mi var: Korleis kan eg som designar vera med å profilere nynorsken slik at målforma kan verta meir attraktiv blant ungdom?
Noverande problemstilling: Korleis kan eg som visuell kommunikatør profilere nynorsken på ein måte som syner målforma sitt mangfald; at han ber på tradisjonar men også er aktuell?

Det er seint, eg er trøyt...

2008-10-28T08:36:00.000+01:00

...men eg ville så gjerne koma igang med denne vevlogginga! Difor sit eg her. På golvet i stova. Hovudet er stappa av mogelege problemstillingar etter ein lang dag med skrivekurs og tankekart. Eg har planar om å lese gjennom ei masteroppgåve frå 2007 på sengekanten.Ikkje heile, då, men delar. Litt inspirasjon, kanskje. I morgon skal eg skrive meir. Eg vil skrive noverande tankar om prosjektet og føre inn tidlegare notater. Det kan vera lurt.
Må få nevnt at eg ikkje akkuratt er ein erfaren vevloggar, men det kan eg bli!
Nei, no må eg hoppa i seng. God natt!

Nynorsk er venesælt (= nynorsk er populært)

2008-10-23T05:39:00.000+02:00

Korleis kan eg som designar vera med å profilere nynorsken slik at målforma kan verta meir attraktiv blant ungdom?
På kva måte kan eg vera med på å endra haldningar i forhold til nynorsken ved hjelp av design? Kva visuelle grep er virkningsfulle i møte med ungdom? Og finst det eit eins visuellt ungdomsspråk? Dette er nokre av spørsmåla eg ynskjer å prøve å finne svar på i løpet av masterprosjektet mitt og som resultat av svara eg får ynskjer eg å utvikle ein visuell profil for nynorsken. Profilen vil bli den visuelle konklusjonen min der eg vil bruke eit formspråk og medie som kan skape interesse for nynorsken.
Eg vel å profilere nynorsken av fleire grunnar. Eg er sjølv nynorskbrukar og syns det er ei god målform å bruke. Nynorsken er anvendeleg i fleire samanhengar, ikkje berre i poesi og i gammal skjønnlitteratur. Skriftspråket er ein del av min personlege identitet, og eg vil truleg alltid ha nynorsk som førsteval. Men slik er det jo ikkje for alle. Det viser seg er at fleire ungdommar som har hatt nynorsk som hovudmål på grunnskule byrjar å skrive bokmål i videre studie- og arbeidssamanheng. (Eg kjem tilbake til kva desse undersøkjingane viser.) Sjølv var eg åleine som nytta nynorsk som hovudmål på videregåande, og vart difor mykje brukt av medelevar til å lese gjennom nynorskstilar før innlevering. Det slo meg at språket dei brukte var gamaldags og svært lite fritt, og eg trur mange kjente på ei skrivesperre når dei skulle skrive nynorsk. Nynorsken har fått eit dårleg rykte og blir ofte assosiert med noko traust og kjedeleg. Kan hende det er måten undervisninga er lagt opp som bidrar til dette. Kan hende er det framtoninga i media. Fleire nynorskbrukarar opplever iallefall at dei må forsvare språkvalget sitt. Men eg meiner det skal vera naturleg at ein film er teksta på nynorsk, at bøker er utgivne på nynorsk og at reklamemateriell finst på nynorsk. Å bruke målforma i det daglege trur eg er den mest effektive måten å syna nynorsken på. Oppgåva mi kan vera med å «pushe» i denne retninga. Eg ynskjer å henvende meg primært mot ungdom. Ungdom er ei stor og viktig brukargruppe på mange områder, og det er difor interessant for meg å finne meir ut av kva denne gruppa er oppteken av og på den måten kan eg kommunisere betre med dei visuelt sett. «Ungdom» er ei samansatt gruppe og dette kan gje meg visse utfordringar med hensyn til å finne fram til noko som talar til majoriteten. Inntrykket mitt er at fleire har sterke meiningar i denne alderen og dei står ovenfor mange, nye val. Forhåpentlegvis kan eg få kontakt med fleire frå målgruppa og håper på konstruktiv og kritisk tilbakemelding.
På 1840-talet reiste Ivar Aasen rundt i landet og studerte dialektene. Denne innsamlinga danna grunnlaget for nynorsken. I 1861 vart det fyrste mållaget skipa. Det er difor mykje historie knytta opp til nynorsken, og sidan ca 80 % av den norske befolkningen snakkar dialekt, burde fleire kjenne seg knytta til målforma. Noregs Mållag og Mållungdomen har på sine nettsider skrive fleire argument for viktigheita av å bruke nynorsken og det finst fleire gode nettsider og nynorskorganisasjonar som arbeider for nynorsken i det offentlege. Eg, som nynorskbrukar, var alikevel lite kjent med alle nynorske fora som finst, før eg starta undersøkjinga i tilknytting til dette masterprosjektet. Det syner at arbeidet utad kanskje ikkje er så framtredande som det burde vore. Fleire «hat-grupper» mot nynorsken på facebook syner ungdom sitt syn på målforma og det dei oppfattar som tvungen sidemålsopplæring. Om eg kan klare ved designet mitt å syna at nynorsken er levande og aktuell, kan eg kanskje endra noko av denne negative haldninga.
Når det gjeld innhenting av informasjon og bakgrunnsmaterialet, trur eg det er viktig med tett dialog med ungdom (både nynorsk- og bokmålsbrukarar), nynorskorganisasjonar og språkfolk generelt. Eg ynskjer å sjå på liknande prosjekt som finst, både haldingskskapande kampanjar/organisasjonar sin måte å henvende seg til ungdom på, men like viktig vil det bli å sjå på ulike måtar ein kan visualisere språket på. Eg vil loggføre og lage oversikter over det eg finn ut av, og gjere visse utvelgingar etterkvart.
I 2011 har Norsk Målungdom 50 års jubileum samstundes som det fyrste mållaget vart skipa for 150 år sidan. Eg ser at dette kan gje meg god moglegheit til å knytte profileringa opp mot noko reelt, og det kan hjelpe meg til å gjera visse avgrensingar. Oppgåva skal nødvendigvis ikkje vera knytta dirkete opp mot t.d. Noregs Mållag eller Målungdomen. Dei kan vera samarbeidspartnarar, men eg ynskjer ikkje å lage ny visuell profil for desse organisasjonane. På dette tidspunktet er eg svært open for kva medie oppgåva skal munne ut i. Eg vil gjera ein del undersøkjing på dette og finne ut av kva medie ein bør henvende seg til ungdom gjennom. Kompetansen min er størst på det printa mediet, og eg vil nok bruke dette, gjerne i kombinasjon med skjermbaserte medie. Eg treng difor å tilegna meg nødvendig kompetanse til å gjennomføre dette.